Oberschleißheim · Krippenspiel am 17. Dezember um 15 und 17 Uhr
Neulich abend's, es war scho recht spaat, Klopft a Mo und fragt um Rat. Für oa Nacht an Platz zum schlaffa, Sei Frau is schwanger und kon nimmer laffa.
Bayerische Brauchtümer in und um München und den Landkreisen
Gel(i)ebtes bayerisches Brauchtum Themenseite: Hoagartn, Musikstammtische, Trachtlertreff, Volkstheater, Volksfeste
Wia g'sogt, es war ja scho Nacht, drum hab i de zwoa weg g'schickt und hab mir gedacht, des kammat mir ja grod no recht, Wenn a jeder Bettler bei mir schlaffa mecht. Doch wias manchmal da Zufall so wui, mei, g'redt werd ja hoid doch recht vui. De Zwoa hod ma in Schleißheim g'sehng, und da is ganz was b'sonders g'scheng. Doch wos genau, des woas i aa ned gwiss, Drum schau i vorm oid'n Schloss amoi, was da los is. Am dritten Adventsonntag, meine liaben Leit, Um drei und um fünfe, zu jener bekannten Zeit. Do zoag'n Euch de Birkenstoana was damals is g'scheng, als unser Herrgott in da Kripp'n is g'legn.
Der Eintritt is umsonst und für alle gleich, Doch san de Trachtler von de Birkenstoana aa net reich. Drum lasst's Euch net lump'n, deat's a Spende in de Sackerl nei, Daß des Krippenspui irgendwann moi nimma is, muaß ja net sei. Zum Essen und Dringa gibt's da aa grod gnua, Für jed's Deandl und für jeden Bua. Auf Euren B'suach freu'n sich de Groß'n und de Kloana Deandl und Buam vo de Birkenstoana.
