Lebende Krippe

Oberschleißheim · Da Anderl.... Lang is’s her, daß in Nazareth a kloana Bua, mia nenna eahm Anderl, mit seine Spezl aus Lehm Mansch’gerl g’formt hat.

Wia’s wieder amoi so dasitzen in eanare ab’gschabten Lederhosen, vor am grossen Haufen Lehm, hot se koana von dene vorstellen kenna, daß heut no was b’sonders passiert. Auf oamoi is da Himme ganz liacht worn, dann is a hell erleuchtete G’stalt mit große Flügel vom Himme runta kemma und genau in dem Haus verschwunden, wo d’ Maria mit Ihre Eltern wohnt.

Sie san net schlecht daschrogga, da Anderl und seine Spezl. Jetzt war’s halt recht g’wesen, wenn a Erwachsener zum fragen da g’wesen war. Aber wie damals, so is’s aa no heut: de Erwachsenen san halt eanam Tagwerk nachganga, denn pressiert hat’s wia immer furchtbar. Und so is’s passiert, daß von dem Ereignis außer dem kloan Anderl und seine Spezl wohl koana was g’spannt hat.

Wia hätten de Buam wissen kenna, daß des da Erzengel Gabriel war, den unser Herrgott nach Galiläa g’schickt hat, um der Maria die Geburt des Herrn zu verkündigen?

So wenden sie sich halt wieder dem Haufen Lehm zua. Und bis zum Abend war de G’schicht scho wieder vergessen. So vergengan de Tag, und bis auf des, daß da Maria ihr Bauch immer dicker worn is, is nix passiert. Gar Mancher hat sich g’wundert, denn sie war ja net verheirat. Ihr Verlobter, da Josef, so hoaßt’s, soll a Zimmermo sei?

A paar Monat später hat sich’s zuatrag’n, dass ein Gebot vom Kaiser Augustus kemma is, daß a jeder in sei Heimatstadt roas’n muaß um sich schätzen zu lassen. Drum ham si aa da Josef und Maria aufg’macht nach Bethlehem. Wia de G’schicht weiter geht? Wir Trachtler vom Birkenstoana Stamm Oberschleißheim veranstalten am dritten Adventsonntag, 16.12.2018 wieder unsere 9. Lebende Krippe vor dem alten Schloss Schleißheim.

Wir spielen am Sonntag, 16.12.2018, Beginn: 13.00 Uhr; Aufführungen um 15.00 Uhr und um 17.00 Uhr vor dem alten Schloss Schleissheim, Maximilianshof 1. Eintritt frei, Spenden erwünscht.

Veranstalter: Trachtenverein Oberschleißheim

Artikel vom 06.12.2018
Auf Facebook teilen / empfehlen Whatsapp

Weiterlesen

Oberschleißheim (weitere Artikel)
Oberschleissheimer (weitere Artikel)